Ճիշտ կլիներ հայերը միանային և սիրիական ընտրություններին երկու թեկնածու առաջադրեին

Սիրիայում ներկա պահին 10 հազար հայ է մնացել՝ նախկին 35.000-ից:  Այս մասին լրագրողների հետ հանդիպմանն ասաց ՍԴՀԿ Հայաստանի վարչության փոխատենապետ Վազգեն Մեսրոպյանը, որը տասն օր առաջ է  վերադարձել Սիրիայից՝ նկատելով, որ հակամարտությունը շուտ չի կարգավորվի, դեռ մի քանի տարի կձգվի:

«Ես Սիրիայում մնացած հայերին իսկական հերոսներ եմ համարում»,– շեշտեց  Մեսրոպյանը և հավելեց՝ ՀՀ-ից արտագաղթել  ցանկացող  որոշ  սիրիացիների պահվածքը չի ողջունում. «Եթե մենք փախել ենք Սիրիայից եւ եկել ենք մեր պատմական հայրենիքը, ապա պետք է լավ  վերաբերենք նրան։ Փառք Աստծու, որ մենք կարողացել ենք գալ այստեղ և խաղաղ ապրել այստեղ: Իհարկե, կան խնդիրներ, բայց ՀՀ  կառավարությունն  օգնում է, ինչով կարող է»:

Անդրադառնալով  ապրիլի 13-ին Սիրիայում սպասվող խորհրդարանական ընտրություններին և դրանց հայկական համայնքի մասնակցությանը,  Մեսրոպյանը տեղեկացրեց, որ յոթ թեկնածու առաջադրվել է Հալեպից, երեքը՝ Դամասկոսից: Ըստ նրա՝  առավել արդյունավետ և ճիշտ  կլիներ, եթե հայերը միանային և երկու թեկնածու դնեին: