Ռիկելմե. Չէի պատկերացնում, որ Զիդանը կարող է գլխավոր մարզիչ դառնալ
21/03/2016 21:58
Նմանատիպ
Արգենտինայի հավաքականի, «Բոկա Խունիորսի», «Բարսելոնայի» նախկին ֆուտբոլիստ Խուան Ռոման Ռիկելմեն կարծում է՝ «Ռեալի» գլխավոր մարզիչ Զինեդին Զիդանը մադրիդյան ակումբում աշխատելու ընթացքում կարող է յուրահատուկ դժվարություններ ունենալ:
-Ես չէի պատկերացնում, որ Զիդանը կարող է գլխավոր մարզիչ դառնալ: Զիդանն աստղ է եղել գնդակով աշխատելու հարցում, և հիմա նրա համար բարդ կլինի ֆուտբոլիստներին բացատրել այն, ինչն իր մոտ բնական է ստացվել: Դա կդժվարացնի նրա աշխատանքը: Գուցե Զիդանի համար դա հեշտ է, բայց նույնը չի կարելի ասել նրա որոշ ֆուտբոլիստների մասին,-Ռիկելմեի խոսքը մեջբերել է «Marca»-ն:
Հետևեք մեզ նաև Telegram-ում
