Բելգիայում պայթյուն է որոտացել նաև մետրոյի կայարանում

Բրյուսելի օդանավակայանում որոտացած պայթյուններից հետո հայտնի է դարձել, որ պայթյուն է որոտացել նաև քաղաք մետրոյի «Մաալբեք» կայարանում: Ինչպես հաղորդում է «Արմենպրես»-ը` վկայակոչելով The Guardian պարբերականը, մետրոյի կայարանին շատ մոտ են գտնվում Եվրամիության կառույցները:

Բրյուսելի միջհամայնքային տրանսպորտային ընկերությունը (STIB) հայտնել է, որ երկրում մետրոյի ողջ համակարգը փակվել է: Երկրի կառավարությունը որոշում է կայացրել Բելգիայում հայտարարել տագնապի ամենաբարձր մակարդակ: