Սեւանա լճի մակարդակը նախորդ տարվա մարտի վերջի համեմատ բարձր է 16 սանտիմետրով
22/03/2016 14:51
Նմանատիպ
Նախորդ տարվա մարտի 21-ի համեմատ այժմ Սեւանա լճի մակարդակը բարձր է մնում 16 սանտիմետրով: Ինչպես «Արմենպրես»-ին տեղեկացրին Գավառի «Օրհուս» բնապահպանական տեղեկատվական կենտրոնից, 2016 թվականի մարտի 21-ին Սեւանա լիճը ծովի մակարդակից գտնվում է 1900 մետր 32 սանտիմետր բարձրության վրա, ինչը 16 սանտիմետրով ավելի է նախորդ տարվա նույն օրվա եւ 2 սանտիմետրով ավելի՝ 2016 թվականի մարտի 14-ի նիշից: Արփա-Սեւան թունելային ջրատարով Սեւանա լիճ մուտք գործած ջրի քանակությունը զրոյական է, իսկ ստորերկրյա հոսքի արդյունքում այս տարվա ընթացքում լիճ է մուտք գործել 6 միլիոն 105 հազար խորանարդ մետր ջուր: Օդի ջերմաստիճանի նվազման հետեւանքով, որը տեղի է ունեցել մարտի 14-22-ի ընթացքում, Սեւան թափվող գետերը հոսում են ամսական միջին ելքերի նվազագույն քանակով:
Հետևեք մեզ նաև Telegram-ում