Նաչո. Բենիտեսի օրոք մեզ մոտ ամեն ինչ անհասկանալի էր

«Ռեալի» պաշտպան Նաչոն հայտարարել է, որ Զինեդին Զիդանի՝ թիմի գլխավոր մարզչի պաշտոնը զբաղեցնելուց հետո ֆուտբոլիստները հոգեբանական տեսանկյունից իրենց ավելի լավ են զգում:

-Ռաֆայել Բենիտեսի օրոք մեզ մոտ ամեն ինչ մի փոքր անհասկանալի և անհանգիստ էր: Ոչ ոք գոհ չէր այդ իրավիճակից, իսկ լրատվամիջոցներն ավելի էին թեժացնում կրքերը: Ես շատ խաղերի եմ մասնակցել և շատ բան եմ հասկացել: Չեմ կարծում, թե մենք շատ վատ էինք հանդես գալիս, բայց Բենիտեսին հեռացնելն ակումբի ղեկավարության որոշումն էր:

Եկավ Զիդանը, և բոլորը հանգստացան, թիմը սկսեց ավելի լավ խաղալ: Զիդանը հանգիստ մասնագետ է և ավելի մոտ է ֆուտբոլիստներին, նա հաճախ է զրուցում մեզ հետ: Աշխատանքի գնահատականը կտրվի մրցաշրջանի ավարտին,-Նաչոյի խոսքը մեջբերված է «AS»-ից:

Հիշեցնենք, որ Իսպանիայի առաջնության 30-րդ տուրից հետո «Ռեալը» զբաղեցնում է մրցաշարային աղյուսակի երրորդ հորիզոնականը և առաջատար «Բարսելոնային» զիջում է 10 միավորով, իսկ Չեմպիոնների լիգայի 1/4 եզրափակչում մրցելու է «Վոլֆսբուրգի» հետ: