Մարսելո. Նեյմարի համար շատ բարդ կլինի տեղափոխվել «Ռեալ»
22/03/2016 22:19
Նմանատիպ
«Ռեալի» պաշտպան Մարսելոն նշել է, որ դժվարությամբ է պատկերացնում «Բարսելոնայի» հարձակվող Նեյմարի տեղափոխությունը մադրիդյան ակումբ:
-Բրազիլիայի հավաքականի հավաքների ժամանակ մենք քիչ ենք խոսում ֆուտբոլի մասին, կատակում ենք այլ թեմաների շուրջ: Նեյմարի համար շատ բարդ կլինի տեղափոխվել «Ռեալ», քանի որ նա մեծ ներդրում ունի «Բարսելոնայի» հաջողություններում: Շատ բարդ է պատկերացնել այդ տեղափոխությունը,-ասել է Մարսելոն «Globoesporte»-ին տված հարցազրույցում:
Ավելի վաղ իսպանական մամուլում լուրեր էին շրջանառվում, որոնց համաձայն՝ Նեյմարի տրանսֆերը գնելու մտադրություն ունի «Ռեալի» նախագահ Ֆլորենտինո Պերեսը, ով պատրաստ է այդ գործարքի համար ծախսել 190 մլն եվրո, իսկ ֆուտբոլիստին առաջարկել 30-35 մլն եվրո տարեկան աշխատավարձ:
Հետևեք մեզ նաև Telegram-ում