Բրյուսելի օդանավակայանում ահաբեկչությունն իրականացրած մահապարտները Բակրաուի եղբայրներն են

Փարիզի ահաբեկչական գործողությունների մասնակցի՝ Սալահ Աբդեսլամի գործով հետաքննության գլխավոր կասկածյալները՝ Բակրաուի եղբայրները, նույնականացվել են որպես Բրյուսելի օդանավակայանում ահաբեկչությունն իրականացրած մահապարտներ: Այդ մասին, ինչպես տեղեկացնում է «Արմենպրես»-ը, հայտնել է R TBF հեռուստաալիքը՝ վկայակոչելով ոստիկանության աղբյուրներ:

«RTBF հեռուստաալիքը բացառիկ տեղեկատվություն է ստացել ոստիկանության աղբյուրներից: Բակրաուի եղբայրները, որոնք ապրում էին Բրյուսելում, նույնականացվել են Բրյուսելի օդանավակայանում ահաբեկչությունն իրականացրած հավանական մահապարտների թվում»,- նշել է հեռուստաալիքը, հաղորդել է ՏԱՍՍ-ը: