Մայր տաճարում Ավագ հինգշաբթի մատուցվեց Սուրբ պատարագ
24/03/2016 14:35
Նմանատիպ
Հայաստանյայց Առաքելական Սուրբ Եկեղեցին մարտի 24-ին` Ավագ հինգշաբթի, հիշատակեց մեր Տեր Հիսուս Քրիստոսի Վերջին ընթրիքը և Ս. Հաղորդության խորհրդի հաստատումը:
Ինչպես տեղեկացրին Մայր Աթոռի տեղեկատվական համակարգից, հանդիսապետությամբ Մայր Աթոռի լուսարարապետ Գերաշնորհ Տ. Հովնան եպիսկոպոս Հակոբյանի, Միածնաէջ Մայր Տաճարում, առավոտյան կատարվեց Ապաշխարողաց կարգը:
Այնուհետև Մայր Աթոռի միաբանությունը մասնակցեց Միջօրեի ժամերգությանը, որի ավարտին Մայր Աթոռի միաբան Հոգեշնորհ Տ. Աղան աբեղա Երնջակյանի կողմից մատուցվեց Սուրբ Պատարագ:
Պատարագի սրբազան արարողության ընթացքում ընթերցվեց Ս. Բարսեղ Կեսարացու ճառը:
Հետևեք մեզ նաև Telegram-ում