Հայ բռնցքամարտիկներն ուսումնամարզական հավաք կանցկացնեն

Հայ բռնցքամարտիկները շարունակում են նախապատրաստվել ապրիլի 7-18-ը Թուրքիայի Սամսուն քաղաքում կայանալիք Եվրոպա աշխարհամասի օլիմպիական վարկանիշային մրցաշարին:

Մարտի 25-ից ապրիլի 5-ը բռնցքամարտի Հայաստանի հավաքականը կանցկացնի ուսումնամարզական հավաք Աբովյանում: Կարեն Աղամալյանի գլխավորությամբ հավաքին կմանակցի 20 մարզիկ (2 աղջիկ): ՀԲՖ մամուլի ծառայությունից տեղեկանում ենք, որ մրցաշարին մասնակցող Հայաստանի հավաքականի կազմը հրապարակվելու է ավելի ուշ: