Ադրբեջանը առաջնագծում կիրառել է ականանետ և նռնականետ

Ղարաբաղա-ադրբեջանական հակամարտ զորքերի առաջնագծում մարտի 24-ին և լույս 25-ի գիշերը հակառակորդը տարբեր տրամաչափի հրաձգային զինատեսակներից հայ դիրքապահների ուղղությամբ արձակել է ավելի քան 1200 կրակոց: Այս մասին տեղեկացրին ԼՂՀ ՊՆ մամուլի ծառայությունից:

Առաջնագծի հյուսիսարևելյան ուղղությամբ ադրբեջանական զինուժը կիրառել է նաև 60 միլիմետրանոց ականանետ (22 արկ) և ՀԱՆ-17 տիպի նռնականետ (2 արկ):

ՊԲ առաջապահ զորամասերը տիրապետում են օպերատիվ-մարտավարական իրադրությանը և շարունակում վստահորեն իրականացնել մարտական հերթապահություն: