Սիրիայի բանակը Պալմիրայի հին ամրոցի վրայից հանել է ԻՊ-ի դրոշը և այրել

Պալմիրայում թեժ մարտեր են ընթանում: «Անապատի բազեներ» կամավորական ջոկատի զինվորները կարողացել են ամրապնդվել ամրոցի տակ գնվող բնակելի թաղամասում, հայտնում է ՌԻԱ նովոստին: Միաժամանակ, հայտնի է դարձել, որ սիրիական բանակի զինյալները  պոկել են Պալմիրայի բարձունքում` հին ամրոցի մոտ կախված «Իսլամական պետության» դրոշը, որից հետո   Սիրիայի կառավարական ուժերի մարտիկները և աշխարհազորայիններն այրել են այն: Իհարկե, դեռ չի հաջողվում  միջնաբերդի վրա տեղադրել սիրիական դրոշը, քանի որ ահաբեկիչները տանկերից, զենիթային համակարգերից և ականանետներից անընդհատ կրակոցներ են արձակում: