Հավակնորդների մրցաշար. Արոնյանը ոչ-ոքի խաղաց Կարյակինի հետ

Մոսկվայում ավարտին մոտեցող շախմատի աշխարհի չեմպիոնի Հավակնորդների մրցաշարի 13-րդ տուրում Հայաստանի ներկայացուցիչ Լևոն Արոնյանը սպիտակներով ոչ-ոքի խաղաց առաջատարներից Սերգեյ Կարյակինի հետ:  Գրոսմայստերները պարտիան ավարտեցին 101-րդ քայլին:

“>

Տուրի մյուս պարտիաներում Ֆաբիանո Կարուանան ոչ-ոքի է խաղացել Պյոտր Սվիդլերի հետ, աշխարհի նախկին չեմպիոն Վիշվանաթան Անանդը միավորը կիսել է Անիշ Գիրիի հետ պարտիայում, իսկ Հիկարու Նակամուրան հաղթել է Վեսելին Թոփալովին:

Հավակնորդների մրցաշար, 13-րդ տուր

• Վիշվանաթան Անանդ – Անիշ Գիրի՝ 0.5:0.5
• Լևոն Արոնյան – Սերգեյ Կարյակին՝ 0.5:0.5
• Վեսելին Թոփալով – Հիկարու Նակամուրա՝ 0:1
• Ֆաբիանո Կարուանա – Պյոտր Սվիդլեր՝ 0.5:0.5

Այս տուրից հետո Կարյակինը և Կարուանան ունեն 7.5-ական միավոր, Անանդը՝ 7, Նակամուրան, Գիրին, Արոնյանը, Սվիդլերը՝ 6.5, իսկ Թոփալովը՝ 4: 14-րդ տուրում կայանալու են Սվիդլեր-Անանդ, Գիրի-Թոփալով, Նակամուրա-Արոնյան, Կարյակին-Կարուանա պարտիաները:

Հիշեցնենք, որ մրցաշարի հաղթողը նոյեմբերին մրցելու է աշխարհի գործող չեմպիոն Մագնուս Կարլսենի հետ: