Սերխի Ռոբերտո. «Ռեալի» դեմ խաղում փորձելու ենք մեր ֆուտբոլը ցուցադրել

«Բարսելոնայի» կիսապաշտպան Սերխի Ռոբերտոն հայտարարել է, որ ջանք չեն խնայելու Իսպանիայի առաջնության 31-րդ տուրի՝ «Ռեալի» հետ տնային խաղում հաղթանակ տանելու համար:

-Չգիտենք, թե «Ռեալն» ինչ վիճակում կայցելի «Կամպ Նոու»: Եթե իմանայինք, մեր աշխատանքը շատ ավելի հեշտ կլիներ: Ամեն դեպքում փորձելու ենք մեր ֆուտբոլը ցուցադրել: Հաղթանակ տանելու համար պետք է ջանք չխնայենք: Այժմ «Բարսելոնայի» համար յուրաքանչյուր հանդիպում համարժեք է եզրափակչի,-Ռոբերտոյի խոսքը մեջբերված է «Cadena Cope»-ից:

«Բարսելոնա»-«Ռեալ» հանդիպումը կայանալու է ապրիլի 2-ին: Այժմ կատալոնական թիմը 76 միավորով գլխավորում է մրցաշարային աղյուսակը, իսկ «Ռեալը» երրորդ հորիզոնականում է (66 միավոր):