Էբոլան այլեւս միջազգային սպառնալիք չի ներկայացնում. ԱՀԿ

Առողջապահության համաշխարհային կազմակերպությունը (ԱՀԿ) երկրներին կոչ է արել վերացնել Գվինեայի, Լիբերիայի եւ Սիեռա Լեոնեի հետ առեւտրի եւ այդ երկրներ ուղեւորությունների բոլոր մնացած սահմանափակումները՝ առողջապահության բնագավառում միջազգային նշանակություն ունեցող արտակարգ դրության ռեժիմի ավարտվելու առնչությամբ, տեղեկացնում Է «Արմենպրես»-ը՝ հղում անելով BBC-ին:

ԱՀԿ-ի ղեկավար Մարգարետ Չենը համոզված է, որ Էբոլա տենդով հիվանդանալու բոլոր մնացած դեպքերում հիվանդությանը թույլ չեն տա տարածվել:

Արտակարգ դրության ռեժիմ էր հայտարարվել 2014 թվականի օգոստոսին, երբ օրական գրանցվում էր հիվանդանալու ավելի քան հարյուր դեպք:

Մարգարետ Չենը հորդորել է պահպանել զգոնությունը, որպեսզի բացառվի հիվանդության վերադարձը:

Էբոլա տենդի համաճարակը, որն Արեւմտյան Աֆրիկայում սկսվել Էր 2013 թականի վերջին, ավելի քան 11 հազար մարդու կյանք է խլել եւ դարձել խոշորագույնը 1976 թվականին վիրուսի հայտնաբերման պահից ի վեր: