«Ժողովուրդ». Այսօր կկայանա «Արմենիա» ավիաընկերության առաջին չվերթը
Նմանատիպ
«Ժողովուրդ»-ը «Արմենիա» ավիաընկերությունից տեղեկացել է, որ ընկերության ծրագրերում ոչ մի փոփոխություն չի եղել: «Արմենիա» ավիաընկերության առաջին չվերթը տեղի կունենա այսօր, ուղղությունը՝ Իսրայել:
Չվերթի ավիատոմսերը վաղուց արդեն վաճառքում էին:
«Ամեն ինչ նախատեսված ծրագրով կիրականացվի, ոչ մի փոփոխություն տեղի չի ունեցել մեր չվերթներում: Այսօր իրականացվելու է Երևան-Թել Ավիվ չվերթը, ըստ նախատեսված ժամանակացույցի»,- թերթին տեղեկացրել են ավիաընկերությունից:
Թերթը հիշեցնում է, որ «Արմենիա» ավիաընկերության հիմնադիրներն են Աշոտ Թորոսյանը, Թամազ Գայիաշվիլին և Ռոբերտ Հովհաննիսյանը: Թամազ Գայիաշվիլին «Airzena» վրացական ավիաընկերության հիմնադիրն է և ընկերության տնօրենների խորհրդի նախկին նախագահը, իսկ Ռոբերտ Հովհաննիսյանը եղել է վերը նշված վրացական ավիաընկերության փոխտնօրենը:
Հետևեք մեզ նաև Telegram-ում