Նալբանդյանը հույս ունի, որ Բաքվի ֆորումի մասնակիցները կհամարձակվեն քննադատել Ադրբեջանի գործողությունները
Նմանատիպ
ՀՀ արտգործնախարար Էդվարդ Նալբանդյանը հույս ունի, որ Բաքվում կայանալիք ՄԱԿ -ի քաղաքակրթությունների դաշինքի 7-րդ համաժողովի մասնակիցները սկզբունքայնություն կդրսևորեն և համարժեք քննադատության կենթարկեն Ադրբեջանի բռնարարքները:
«Համաժողովը կոչված է պաշտպանել համամարդկային բարձր արժեքները։ Նման համաժողով անցկացնել մի երկրում, որտեղ դրանք կոպտագույնս ոտնահարվում են, համարում եմ ոչ ճիշտ»,-ՌԴ ԱԳ նախարար Սերգեյ Լավրովի հետ համատեղ ասուլիսին նշեց Էդվարդ Նալբանդյանը և հիշեցրեց ԱԳՆ տարածած հայտարարությունը , որում ասվում է, որ «Հայաստանը չի միանում ՄԱԿ քաղաքակրթությունների դաշինքի յոթերորդ ֆորումի հռչակագրի վերաբերյալ կոնսենսուսին, ուստի կոնսենսուսի բացակայության պայմաններում հռչակագիրը չի կարող ընդունվել»:
«Հուսամ, որ նրանք, ովքեր չեն կարողացել հրաժարվել մասնակցությունից, համարձակություն կգտնեն համապատասխան քննադատության արժանացնել հայերի նկատմամբ այդ երկրի իշխանությունների քաղաքականությունը, բարբարոսությունները, որոնք իրականացվել են համաժողովի անցկացման վայրից մի քանի կմ հեռավորության վրա»,- ընդգծեց Նալբանդյանը։
Հետևեք մեզ նաև Telegram-ում
