Վենգեր. Մեր նպատակը լավագույն եռյակում լինելն է

«Արսենալի» գլխավոր մարզիչ Արսեն Վենգերը հայտարարել է, որ «զինագործների» համար շատ կարևոր է մրցաշրջանն Անգլիայի առաջնության մրցաշարային աղյուսակի լավագույն եռյակում ավարտելը, որպեսզի Չեմպիոնների լիգայում խաղալու հնարավորություն ունենան առանց որակավորման փուլին մասնակցելու։

-Չորրորդ տեղը չի երաշխավորում ՉԼ-ին մասնակցությունը։ Երրորդ տեղը դա ապահովում է։ Ահա ինչու է դա մեզ համար կարևոր։ Ուզում ենք խաղալ թոփ-ակումբների դեմ, ուզում ենք լինել Չեմպիոնների լիգայում։ Մենք չգիտենք՝ մրցաշրջանը որ տեղում կավարտենք։ Մենք չենք ապահովել լավագույն քառյակում մեր տեղը, պետք է պայքարենք դրա համար,-Վենգերի խոսքն է մեջբերում «Sky Sports»-ը։

ԱՊԼ ավարտից 4 տուր առաջ «Արսենալը» 3-րդ տեղում է՝ երկու միավորով գերազանցելով «Մանչեսթեր Սիթիին», չորս միավորով՝ «Մանչեսթեր Յունայթեդին»։