Քուրդ զինյալները երկու թուրք զինվոր են սպանել

Թուրքիայի քրդաբնակ Մարդին նահանգի Նուսայբին գավառում թուրքական զինված ուժերը Քրդական բանվորական կուսակցության (PKK) դեմ գործողությունների շրջանակում նոր կորուստներ են ունեցել: Ինչպես հաղորդում է «Արմենպրես»-ը, այս մասին տեղեկացնում է թուրքական CNN Turk-ը:

Քուրդ զինյալների կողմից ինքնաշեն պայթուցիկը գործի դնելու հետևանքով 5 զինվոր վիրավորվել է: Նրանք անմիջապես տեղափոխվել են հիվանդանոց, որտեղ, չնայած բժշկական միջամտությանը, նրանցից երկուս մահացել են: