Բեռնում նախագահների հանդիպումը թույլ տվեց հստակեցնել կողմերի դիրքորոշումներն առավել խնդրահարույց հարցերի շուրջ. ՌԴ ԱԳՆ
Նմանատիպ
Ղարաբաղյան հակամարտության հարթությունում բոլոր հասանելի գործիքների գործադրմամբ շարունակվել է օպտիմալ ուղիների որոնմանն աջակցությունը՝ կողմերի միջև համաձայնության հասնելու համար, այդ թվում՝ բարձր և բարձրագույն մակարդակով հանդիպումների տարբերակով: Այս մասին ասված է Ռուսաստանի 2015 թվականի արտաքին քաղաքական գործունեության մասին ամփոփագրում:
Մասնավորապես, համապատասխան նախաձեռնությունները մանրամասն քննարկվել են Ռուսաստանի նախագահի՝ Երևան (ապրիլ) և Բաքու (հունիս) կատարած այցերի ընթացքում: Ինտենսիվ երկխոսությունը շարունակվել է նաև արտգործնախարարների մակարդակով:
ԵԱՀԿ Մինսկի խմբի համանախագահների (ԱՄՆ եւ Ֆրանսիա) հետ սերտ փոխգործակցությամբ 7 հանդիպում է անցկացվել Հայաստանի եւ Ադրբեջանի ղեկավարության հետ, մի շարք խորհրդակցություններ են անցկացվել ԱԳ նախարարների մասնակցությամբ, նաև շփումներ են եղել Լեռնային Ղարաբաղի իշխանությունների հետ:
Բելգրադում (դեկտեմբեր) ԵԱՀԿ ԱԳ նախարարների խորհրդի նիստում Ռուսաստանի, ԱՄՆ-ի և Ֆրանսիայի պատվիրակությունների ղեկավարների հայտարարությունում կողմերին կոչ է արվել հավատարմություն դրսևորել հակամարտության խաղաղ ճանապարհով լուծմանը և շարունակել աշխատանքը՝ գոյություն ունեցող առաջարկների հիման վրա հասնելու համպարփակ կարգավորման: Իսկ տարեվերջին Բեռնում միջնորդական եռյակի աջակցությամբ Հայաստանի և Ադրբեջանի նախագահների հանդիպումը թույլ տվեց հստակեցնել բանակցային գործընթացում հակամարտող կողմերի դիրքորոշումներն առավել խնդրահարույց հարցերի շուրջ:
Հետևեք մեզ նաև Telegram-ում
