Համայնքների հողագնահատման աշխատանքների կատարմանն ուղղվեց ավելի քան 24 մլն դրամ
Նմանատիպ
Կառավարությունը 448 համայնքների վարչական սահմաններում ընդգրկված հողերի կադաստրային հողագնահատման աշխատանքների կատարման նպատակով Անշարժ գույքի կադաստրի պետական կոմիտեին հատկացրեց 24 միլիոն 208 հազար դրամ: Կադաստրի պետական կոմիտեի նախագահ Մարտին Սարգսյանը նշեց, որ ծրագրով նախատեսվում է գոյություն ունեցող կադաստրային քարտեզների հողագիտական և երկրաբուսաբանական հետազոտությունների տվյալների հիման վրա ՀՀ 448 համայնքների վարչական սահմաններում ընդգրկված հողերի համար կազմել հողագնահատման հատակագծեր և գյուղատնտեսական հողատեսքերի հողագնահատման տեղեկագրեր:
«Ակնկալվում է ունենալ 448 համայնքների վարչական սահմաններում ընդգրկված հողերի հողագնահատման քարտեզներ և գյուղատնտեսական հողատեսքերի գնահատման տեղեկագրեր, մեթոդապես ճշգրիտ հիմքերով սահմանված գյուղատնտեսական հողատեսքերի գներ, տարբեր բնույթի հողօգտագործման հարաբերությունների արդյունավետ կարգավորում»,- «Արմենպրես»-ի հաղորդմամբ՝ ասաց Սարգսյանը:
Աշխատանքները կիրականացվեն 3 ամսվա ընթացքում:
Հետևեք մեզ նաև Telegram-ում