ԼՂ հակամարտության կարգավորման համար նոր միջնորդների կարիք չկա. Էրլան Իդրիսով

Լեռնային Ղարաբաղի հակամարտության կարգավորման համար  նոր միջնորդների կարիք չկա, բավական է ապահովել Մինսկի խմբի պայմանավորվածությունների իրականացումը: Այդ մասին հայտարարել է Ղազախստանի արտաքին գործերի նախարար Էրլան Իդրիսովը, հաղորդում է ՌԻԱ նովոստին:

«Ստեղծվել է հատուկ Մինսկի խումբ, որի համանախագահներն են Ռուսաստանը, ԱՄՆ-ը և Ֆրանսիան: Կարծում եմ, որ նոր մեդիատորներ, միջնորդներ փնտրելու անհրաժեշտություն չկա»,– Աստանայում տեղի ունեցած ճեպազրույցում հայտարարել է Իդրիսովը:

Ղազախստանի ԱԳ նախարարի կարծիքով` Մինսկի խմբի շրջանակում հստակ ձևակերպվել են ԼՂ հակամարտության կարգավորման սկզբունքները, այդ պատճառով հարկավոր է ապահովել այդ պայմանավորվածությունների իրականացումը:

 

Հետևեք մեզ նաև Telegram-ում