«Ժողովուրդը» շարունակում է դժգոհություններ ստանալ «Գրանդ Քենդի» ընկերության աշխատակիցներից: Այս անգամ հրուշակեղենի արտադրամասի աշխատողներն են բողոքում: Վերջիններս դժգոհում են, որ արդեն մեկ շաբաթ է՝ տնօրինությունը փոխել է հերթափոխների համակարգը:
Նախկինում գիշերային հերթափոխի աշխատակիցները հանգստի ժամանակ են ունեցել: Իսկ արդեն մեկ շաբաթ է՝ գիշերային հերթափոխի աշխատանքը սկսում է երեկոյան ժամը 19.00-ին, ավարտվում առավոտյան 07.00-ին, երեկոյան 19.00-ից կրկին վերադառնում աշխատանքի: Աշխատակիցներն այս խնդրով բազմիցս դիմել են տնօրինության, սակայն ապարդյուն: «Ժողովուրդ»-ը չկարողացավ այս լուրերից մեկնաբանություն ստանալ, քանի որ բոլոր զանգերը մնացին անպատասխան»:
