«Միլանի» նախագահ Սիլվիո Բեռլուսկոնին հաստատել է ակումբի վաճառքը չինացի ներդրողներին։
Բեռլուսկոնին ակումբը ձեռք է բերել 1986 թվականին։ Վերջին մեկ տարվա ընթացքում նա բանակցում էր հավանական գնորդների հետ, և հուլիսի 5-ին համաձայնեցրել է վաճառքը չինացի ներդրողներին, որոնք նրան կվճարեն 400 միլիոն եվրո։ Ներդրումներն ակումբում կկազմեն 1,1 միլիարդ եվրո, մոտ 500 միլիոնը՝ ակումբի 80 տոկոս բաժնեմասի համար, 200 մլն՝ պարտքերի վճարման համար, ևս 400 միլիոն կուղղվի ակումբի զարգացմանը։
-Վերջին տարիների ընթացքում ես չէի կարողանում լավ ղեկավարել ակումբը։ Հիմա կարևոր ընտրություն եմ կատարել։ Ուզում եմ «Միլանը» վաճառել մարդկանց, որոնք նրան բարձունքին կվերադարձնեն։ Ես վաճառել եմ թիմը մարդկանց, որոնք կարող են վերականգնել նրա նախկին փառքը,-հայտարարել է Բեռլուսկոնին։
