ԵՄ-ն ինքն անվտանգության սպառող է, նա չի կարող անվտանգություն առաջարկել. քաղաքագետ
Նմանատիպ
Վերջերս Եվրոպական միության արտաքին գործերի եւ անվտանգության քաղաքականության Բարձր ներկայացուցիչ, Եվրոպական հանձնաժողովի փոխնախագահ Ֆեդերիկա Մոգերինին հայտարարել էր, որ ԵՄ-ն ի զորու է նպաստել տարածաշրջանների և ամբողջ աշխարհի խաղաղության ու անվտանգության ապահովմանը: Իր հերթին ՀՀ-ում ԵՄ պատվիրակության ղեկավար Պյոտր Սվիտալսկին լրագրողների հետ հանդիպմանն օրեր առաջ նշեց, թե հակամարտությունների լուծման հարցում համալիր մոտեցումը կարևոր տեղ է զբաղեցնում Եվրամիության նոր ռազմավարության մեջ. «ԵՄ-ն ցանկանում է մեծ ներդրում ունենալ հակամարտությունների կարգավորման և ճգնաժամերի հաղթահարման տիրույթում, ինչը ենթադրում է կանխարգելիչ գործողություններ: Ավելին, ԵՄ-ն պատրաստ է մասնակցություն ունենալ խաղաղության կամ հաշտեցման որևէ համաձայնագրի իրականացմանը, որը կարող է բխել առաջիկա բանակցություններից»:
Times.am-ի հետ զրույցում «Կովկաս» ինստիտուտի տնօրեն, քաղաքագետ Ալեքսանդր Իսկանդարյանը նկատեց. «ԵՄ-ում չկա անվտանգություն, Միությունն ինքը հանդիսանում է անվտանգության սպառող, իսկ այն վերցնում է ՆԱՏՕ-ից: Ուստի ասել, որ ԵՄ-ն ինչ-որ մեկին կամ մեզ կարող է անվտանգություն տալ, մեթոդապես ճիշտ չէ: Եվրամիությունը կարող է տալ զարգացում, ներդրումներ, բարեփոխումներ, ինչ-որ կապեր, արտահանման հարցում աջակցություն, իսկ անվտանգության ոլորտում գոյություն ունի ԵԱՀԿ, Մինսկի խումբ, ՆԱՏՕ, իհարկե, չմոռանանք, որ Թուրքիան ՆԱՏՕ-ի անդամ է: Այնպես որ ԵՄ-ն ինքը չի կարող զբաղվել անվտանգությամբ, իսկ այն որ հետաքրքրվում են, բնական է, որ իրենց դուր չի գալիս, թե ինչ է կատարվում փաստացի իրենց սահմաններում, բայց իրական աշխատանք տարվում է այլ կառույցների կողմից»:
Հետևեք մեզ նաև Telegram-ում