Ամերիկյան խոշոր բանկերը մտադիր են օգնել Լոնդոնին Brexit-ից հետո համաշխարհային ֆինանսական կենտրոնի կարգավիճակը պահպանելու հարցում

Ամերիկյան 4 խոշորագույն ներդրումային բանկեր մտադիր են օգնել Լոնդոնին պահպանելու համաշխարհային ֆինանսական կենտրոնի կարգավիճակը Brexit-ից հետո: Ինչպես հաղորդում է «Արմենպրես»-ը, վկայակոչելով «Ռիա Նովոստի»-ն, այդ բանկերն են` Goldman Sachs-ը, Bank of America Merrill Lynch-ը, Morgan Stanley և JP Morgan –ը: Այս մասին հայտարարվել է Մեծ Բրիտանիայի ֆինանսների նախարար Ջորջ Օսբորնի և բանկերի ներկայացուցիչների հանդիպման արդյունքներով ընդունված հայտարարության մեջ:

Ամերիկյան բանկերի ներկայացուցիչները մասնակցել են Մեծ Բրիտանիայի ֆինանսների նախարարի և Standard Chartered բրիտանական բանկային խմբի գլխավոր տնօրեն Բիլ Ուինթերսի հանդիպմանը: Հանդիպման ընթացքում կողմերը պայմանավորվել են համատեղ ջանքերով հաղթահարել տնտեսական մարտահրավերները, որոնք կարող են առաջանալ Brexit-ից հետո: Կողմերը մտադիր են գտնել նոր հնարավորություններ, որոնք կարող են հասանելի լինել Բրիտանիայի համար` համաշխարհային բիզնեսի համար իր գրավչությունը պահպանելու համար:

Հետևեք մեզ նաև Telegram-ում