«Մանչեսթեր Սիթին» պայմանավորվել է «Ռեալ Սոսյեդադի» դապրասապահ Խերոնիմո Ռուլյիի տրանսֆերի վերաբերյալ, սակայն չափազանց անսովոր պայմաններով, հաղորդում է «Cadena SER»-ը։

«Քաղաքայինները» դարպասապահի համար հատկացրել են 9 մլն եվրո, որի վճարումից հետո նրան կհանձնեն վարձակալության հենց «Ռեալ Սոսյեդադին», որը կպարտավորվի մյուս ամռանը 7 միլիոնով հետ գնել ֆուտբոլիստին։ Ընդ որում, «Մանչեսթեր Սիթին» իրավունք կունենա 14 միլիոնով նրան հետ գնելու 2018 թվականին։ Այլ ակումբների համար հրաժարագինը կկազմի 40 մլն եվրո, իսկ անգլիացիներին կհասնի այդ գումարի 30 տոկոսը, եթե դարպասապահն այլ ակումբ տեղափոխվի։

Ավարտված մրցաշրջանում Ռուլյին Պրիմերայի 36 խաղում 43 գոլ է բաց թողել։