Ադրբեջանական լրատվամիջոցները տեղեկատվություն են տարածել, որ Ադրբեջանի Բինա գյուղում գտնվող քրեակատարողական հիմնարկներից մեկի բանտարկյալները հացադուլ են հայտարարել:
«Թուրան» լրատվամիջոցի փոխանցմամբ, այդ մասին տեղեկացրել է «Ընդդեմ խոշտանգումների» ՀԿ-ի նախագահ Էլչին Բեհբութովը:
Ըստ տեղեկատվության, ադրբեջանցի դատապարտյալներն այդկերպ բողոք են արտահայտում բանտի անորակ սննդի դեմ:
Նշված քրեակատարողական հիմնարկից հրաժարվել են մեկնաբանել տեղեկատվությունը:
Նշենք, որ Ադրբեջանում մարդու իրավունքների ոտնահարման մասին բազմաթիվ զեկույցներ են հրապարակում տարբեր միջազգային կազմակերպություններ:
