Նախագահը չի պատրաստվում էական փոփոխություններ անել Կառավարության կազմում

Այսօր ՀՀ Նախագահ Սերժ Սարգսյանը լրագրողների հետ հանդիպման ժամանակ անդրադարձել է հետընտրական պրոցեսներին: Մասնավորապես, խոսելով հացադուլա անող Րաֆֆի Հովհաննիսյանի մասին, նա ասել է, որ թեև կոչ է արել Հովհաննիսյանին դադարեցնել հացադուլը, բայց չի պատրաստվում նրան տեսակցել Ազատության հրապարակում։ Այս մասին հաղորդում է «Երկիր Մեդիա» հեռուստաընկերության կայքը: 

Ըստ աղբյուրի, նախագահը չի հրապարկել ապագա վարչապետի անունն ու նոր կառավարության կազմը, սակայն ամենայն հավանականությամբ, էական փոփոխություններ չեն լինի, քանի որ կառավարությունը կատարել է իր առջև դրված խնդիրը՝ 7 տոկոսանոց տնտեսական աճի ապահովում և աշխատավարձերի բարձրացում, գնաճի տեմպերից ավելի շատ։