ՀՀ փոխվարչապետ, Հայաստան-ԱՄԷ, հայ-քուվեյթյան, հայ-քաթարական միջկառավարական հանձնաժողովների համանախագահ Արմեն Գևորգյանն այսօր աշխատանքային այցով մեկնել է Արաբական Միացյալ Էմիրություններ, այնուհետև այցը կշարունակի Քուվեյթում և Քաթարում: Այս մասին հայտնում են ՀՀ Տարածքային կառավարման նախարարության հասարակայնության հետ կապերի բաժնից։
Նախատեսվում են փոխվարչապետի հանդիպումները կառավարությունների ներկայացուցիչների հետ, որոնց ընթացքում կքննարկվեն երկկողմ համագործակցության զարգացման, առևտրատնտեսական հարաբերությունների խորացման, միջկառավարական հանձնաժողովների գործունեությանը վերաբերող հարցեր: Փոխվարչապետը հանդիպումներ կունենա նաև մասնավոր հատվածի ընկերությունների ներկայացուցիչների հետ:
