Ինչպես տեղեկացնում է Panorama.am-ը Երևանի Կենտրոն և Նորք Մարաշ վարչական շրջանների ընդհանուր իրավասության դատարանի դատավոր Մխիթար Պապոյանը որոշեց մերժել Վազգեն Խաչիկյանի և մյուսների գործով անցնող Հովհաննես Գրիգորյանի փաստաբան Արա Զաքարյանի միջնորդությունը’ կալանքն ընտրված խափանման միջոցը գրավով փոխելու մասին:
Ավելի վաղ նույն աղբյուրը տեղեկացրել էր, որ Գրիգորյանի փաստաբանը դատարանին առաջարկել էր իր խոսքով, աննախադեպ չափի գրավ’ ընդհանուր առմամբ 296 մլն դրամ, որից 10 մլն-ը գումարի տեսքով, իսկ մնացածը անշարժ գույքի: «Պաշտպանական կողմը խոստանում է, որ Հովհաննես Գրիգորյանը չի խուսափի դատաքննությունից և չի խոչընդոտի դատաքննությանը», -միջնորդությունը ներկայացնելիս հայտարարել էր փաստաբան Արա Զաքարյանը:
