Հայաստանի և Ռուսաստանի միջև կկնքվի ռազմատեխնիկական համագործակցության զարգացման վերաբերյալ պայմանագիր
Նմանատիպ
ՌԴ վարչապետ Դմիտրի Մեդվեդևը հանձնարարել է ռազմատեխնիկական համագործակցության զարգացման վերաբերյալ պայմանագիր կնքել Ռուսաստանի և Հայաստանի միջև: Այս մասին հայտնում է rosbalt.ru-ն։
Կառավարության ղեկավարը հավանության է արժանացրել նախապես հայկական կողմի հետ մշակած , Պաշտպանության նախարարության ներկայացրած և ԱԳՆ-ի հետ համաձայնեցված պայմանագրի նախագիծը:
Մեդվեդևը հանձնարարել է Ռազմատեխնիկական համագործակցության դաշնային ծառայությանը (ՌՏՀԴԾ) բանակցություններ վարել հայկական կողմի հետ՝ գործադիր իշխանության շահագրգիռ դաշնային մարմինների մասնակցությամբ, և համաձայնության հասնելու դեպքում ՌԴ-ի անունից ստորագրել նշված պայմանագիրը՝ թույլ տալով առաջարկված փաստաթղթում մտցնել սկզբունքային բնույթ չունեցող փոփոխություններ։
Համապատասխան հանձնարարականը տեղադրված է իրավական տեղեկատվության պաշտոնական պորտալում։
Հետևեք մեզ նաև Telegram-ում