Այսօր տեղեկատվություն է տարածվել այն մասին, որ ազգային փոխադրող «Արմավիա» ավիաընկերության օդաչուները գործադուլի են պատրաստվում:
Panorama.am-ը փորձել է պարզել լուրերի իսկությունը ընկերության մամուլի խոսնակ Նանա Ավետիսովայից: Վերջինս այդ լուրերը աբսուրդ է որակել:
«Օդանավերը թռչում են, իսկ ինչպես հայտնի է’ ինքնաթիռները վարում են օդաչուները: Այնպես որ, ամեն ինչ նորմալ է: Այս պահի դրությամբ որևէ գործադուլ չկա»,-ասել է Ավետիսովան:
Նա նաեւ նշել է, որ աշխատավարձերը վճարվում են, ճիշտ է` կան ֆինանսական որոշակի խնդիրներ, սակայն դրանք ներքին հարցեր են ու լուծվում են:
«Մինչ այս պահը գործադուլ չկա և չի սպառնում լինել»,-հավաստիացրել է ընկերության ներկայացուցիչը:
