Տոտտին հնարավոր է հեռանա ֆուտբոլից

«Ռոմայի» ավագ Ֆրանչեսկո Տոտտին խոստովանել է, որ մտածում էր մինչև աշխարհի 2014 թ. առաջնության մեկնարկը մարզական կարիերան ավարտելու մասին: Հիշեցնենք, որ օրերս Իտալիայի ազգային հավաքականի գլխավոր մարզիչ Չեզարե Պրանդելլին հայտարարել է, թե Բրազիլիայում կայանալիք աշխարհի գավաթի խաղարկության ժամանակ կարող է հրավիրել նաև Ֆրանչեսկոյին, ով շարունակում է փայլուն խաղ ցուցադրել «A» սերիայում:

«Հնարավոր է’ 1 տարի անց խաղակոշիկներս մեխից կախելու որոշում կայացնեմ, սակայն ես դա կանեմ միայն այն ժամանակ, երբ Պրանդելլին կկողմնորոշվի աշխարհի առաջնության ժամանակ Իտալիայի հավաքականի կազմի ընտրության հարցում: Իմ ներկայիս լավ մարզավիճակը Զդենեկ Զեմանի աշխատանքի, ինչպես նաև հատուկ դիետայի արդյունքն է»,- նշել է Տոտտին:

Հիշեցնենք, որ սեպտեմբերին «Ռոմայի» ավագը կդառնա 37 տարեկան:

Հետևեք մեզ նաև Telegram-ում