ԲՀԿ-ն մնացել է «լիկվիդ»
Նմանատիպ
«Որոշ քաղաքական ուժերի համար Երևանի ավագանու ընտրություններին մասնակցությունը ուսանողական բառապաշարով ասած՝ նախագահական ընտրություների «նեյավկայից» հետո վերջին «լիկվիդի» հնարավորությունն է»: Այսօր ՀՀ կառավարության նիստից հետո նման կարծիք հայտնեց կրթության և գիտության նախարար Արմեն Աշոտյանը՝ պատասխանելով լրագրողների այն հարցին, թե Երևանի ավագանու ընտրություններում ԲՀԿ-ն որքանո՞վ է մրցակից ՀՀԿ-ին:
Ա.Աշոտյանի նշեց, որ թերթերում շրջանառվում են լուրեր ընտրակաշառքի աճող ծավալների մասին և ավելացրեց, որ նախագահական ընտրությունների ընթացքում արձանագրված ընտրախախտումների հիման վրա հարուցված գործերի արդյունքում մարդիկ են պատժվելու, իսկ քանի որ ՀՀ նախագահի մոտեցումն այն է, որ ավագանու ընտրությունները պետք է լինեն ավելի լավը, քան նախագահական ընտրությունները, ակնհայտ է, որ կպատժվեն բոլոր ընտրախախտները:
Ինչ վերաբերում է ԲՀԿ ցուցակը գլխավորող Վարդան Օսկանյանի թեկնածությանը, ապա Ա. Աշոտյանն ասաց, որ Օսկանյանը դեռ մեղադրվում է գումարների լվացման գործում:
Հետևեք մեզ նաև Telegram-ում