Դա մեր աշխատանքն է, եթե ավելի կարևոր գործ չլինի կմասնակցենք. ԲՀԿ պատգամավորը` երդմնակալությանը մասնակցելու վերաբերյալ

«Վաղը ԱԺ-ի հատուկ նիստն է, մեր աշխատանքն է, և նրանք, ովքեր ցանկություն կունենան մասնակցելու, կմասնակցեն, ովքեր ոչ՝ ոչ: Մասնակցել-չմասնակցելու վերաբերյալ հատուկ որոշում չկա: Մենք պատգամավոր ենք, դա մեր աշխատանքն է, և Ազգային ժողովի պատգամավորներից ով ավելի կարևոր գործ ունի, չի մասնակցի»,-այս մասին այսօր լրագրողների հետ հանդիպմանն ասաց ԱԺ ԲՀԿ-ական պատգամավոր Մարտուն Գրիգորյանը:

Վերջինս նշեց, որ վաղը պարզ կլինի իր մասնակցության հարցը: «Ես, եթե ավելի կարևոր գործ չունենամ, բնականաբար, կմասնակցեմ»: