Երանի

Երանի այս դուռը քո ձեռքով բացվեր,
Իմ լուռ մենությունը քեզանով լցվեր,
Լցվեր քեզանով ու քո բուրմունքով ,
Անշեջ աչերիդ անմար հրայքով…

Երանի անլուր կանչս հասնի քեզ,
Երգով խենթացած գիրկը իմ վազես,
Բերես միայն քեզ և ուրիշ ոչինչ`
Ու ինձ կապրեցնեն քո աչքերը ջինջ:

Երանի հառնենք լույսից միասին`
Դու կրակ արև, ես մի խենթ լուսին…
Ու թե մոխրանա սերը մեր սրտում,
Թող մենք էլ ցնդենք անափ երկնքում:

Երանի այս դուռը հենց հիմա բացվեր
Իմ լուռ մենությունը քո ձայնով լցվեր
Լցվեր քեզանով ու քո բուրմունքով
Անշեջ աչերիդ անմար հրայքով․․․

Խոսքը՝ Տաթև ՈՍԿԱՆՅԱՆ

Երաժշտությունն ու կատարումը՝ Վահագ ՌԱՇ