ՀՅԴ քարոզարշավի մասնակիցների գլխին պատուհանից ջուր թափեցին

Դաշնակցության անդամներ Արծվիկ Մինասյանն ու ՀՅԴ համամասնական ցուցակի երկրորդ տեղը զբաղեցնող Աղվան Վարդանյանը Երևանի ավագանու ընտրությունների քարոզարշավի շրջանակում այսօր հանդիպեցին քաղաքացիների հետ Հերացի փողոցի 20 և 22 շենքերի մոտ:

Տեղացող անձրևին գումարվեց նաև բնակիչներից մեկի’ բարձրահարկ շենքի բնակարաններից մեկի պատուհանից թափած ջուրը, ինչից տուժեց մի տարեց մարդ: 

Արծվիկ Մինասյանը հանդիպմանժամանակ ասաց. «Մենք ասում ենք, Երևանում հաղթելու դեպքում մեր ընդդիմախոսները, որոնք ամենայն հավանականությամբ կլինեն ներկայիս իշխանությունն ու իր կոալիցիոն գործընկերը, կզբաղեցնեն մեզ վերահսկելու դիրքը»:

Ըստ Մինասյանի` տեսանելի են քաղաքային բազմաթիվ խնդիրներ, որոնք բերում են ապագայի նկատմամբ հավատի կորստի, պետք է գործարկվի տեղական հանրաքվեի ինստիտուտը: Դաշնակցական քաղաքապետը պետք է Երևանում աշխատատեղեր ստեղծի, նա պետք է ստանձնի այդ պատասխանատվությունը և ներդրումային ծրագրերը ուղղի դրան:

Աղվան Վարդանայանն էլ ասաց, որ իրենց համար Երևանի ավագանու ընտրությունները քաղաքական են:

«Մեր պրոբլեմների պատճառն այն է, որ մի կուսակցություն տիրում է ամբողջ իշխանությանը: Չի կարող մի կուսակցություն ունենալ այքան ցածր վարկանիշ և տիրել ամբողջ իշխանությանը»,-ասաց նա և ավելացնելով, որ պետք է առիթը օգտագործել ու Երևանում ունենալ ընդդիմադիր ղեկավարություն:

Վարդանյանը խորհուրդ տվեց, ՀՅԴ համամասնական ցուցակը գլխավորող Արմեն Ռուստամյանին համեմատել այլ կուսակցությունների առաջին համարը զբողեցնեող գործիչների հետ:

 

Հետևեք մեզ նաև Telegram-ում