Շաբաթ օրը Առնո Բաբաջանյան համերգասրասհում ժողովրդական երգչուհի Արուս Գուլանյանը կազմակերպել էր համերգ, որի ընթացքում բացի ժողովրդական երգերից, հնչել են նաև աղանդավորական’ մասնավորապես «Կյանքի խոսք» տոտալիտար աղանդին պատկանող երգեր: «Իրավունքն» այդ մասին տեղեկանալուց հետո զանգահարելով համերգասրահ’ պարզեց հետևյալը. իրականում ոչ թե հենց Արուս Գուլանյանի, այլ նրա դստեր կազմակերպած համերգն է եղել: Համերգասրահի ադմինիստրատոր Անուշից թերթը պարզել է, որ իրականում համերգին մասնակցել են Ջիվանու անվան դպրոցի սաները, որտեղ և դասավանդում է Գուլանյանի դուստրը: Անուշի տեղեկացմամբ մայր ու դուստր հաճախ են վարձակալությամբ վերցնում դահլիճը և համերգներ կազմակերպում: Ադմինիստրատորը թերթին ասել է. «Ճշտեցի, Ջիվանու երաժշտական դպրոցն է եղել, Արուս Գուլանյանի աղջիկը դասավանդում է այդտեղ: Միշտ վարձակալել են դահլիճը և միշտ էլ գուսանական երգեր երգել: Բայց աշխատակիցներն ասացին, որ այս անգամ եղել են նաև հոգեւոր երգեր, ես հարցրեցի, որ մեր Առաքելական եկեղեցու երգերն են երգել ասացին’ ճիշտն ասած, չգիտենք: Ես էլ ներկա չեմ եղել եթե ներկա էլ լինեի, չէի կարողանա ինքս էլ տարանջատել»: «Իրավունք»-ը խոստանում է հետևողական լինել’ հարցի պարզաբանման առումով:
