ԼՂՀ ԱԺ նախագահ Աշոտ Ղուլյանն աշխատանքային խորհրդակցություն է հրավիրել ապրիլի 23-ին։ Այս մասին հաղորդում է ԼՂՀ ԱԺ մամլո ծառայությունը:
«Քննարկման հիմնական թեման 5-րդ գումարման Ազգային ժողովի 7-րդ նստաշրջանի ծրագրի մեջ ընդգրկված օրենքների նախագծերի նախնական քննարկման ընթացքի և հերթական լիագումար նիստի օրակարգի պատրաստության հարցերն էին։
Այդ կապակցությամբ տեղի ունեցավ մտքերի փոխանակություն խորհրդարանական շրջանառության մեջ գտնվող օրենքների նախագծերի պատրաստության վիճակի շուրջ։
Արդյունքում ճշտվեց լիագումար նիստի հաստատմանը ենթակա օրակարգային հարցերի շրջանակը, նշվեցին առաջիկա անելիքները, տրվեցին համապատասխան հանձնարարականներ։
Համաձայն գործող օրենսդրական նորմի՝ խորհրդարանի նախագահը հայտարարեց, որ ԱԺ լիագումար նիստը հրավիրվում է ս.թ. ապրիլի 25-ին, ժամը 11.00-ին, ԱԺ նիստերի մեծ դահլիճում։
Խորհրդակցությանը քննարկվեցին նաև ներխորհրդարանական կայնքի այլ հարցեր»,- նշված է հաղորդագրությունում։
