Այսօր քաղաքական եւ միջազգային հետազոտությունների կենտրոնը ընտրակեղծիքների դեմ պայքարելու մեթոդների վերաբերյալ բանավեճ էր կազմակերպել ԲՀԿ, ՀԱԿ եւ «Բարեւ Երեւան» դաշինքի ներկայացուցիչների մասնակցությամբ:
Խոսելով ավագանու ընտրություններից` ՀԱԿ-ի ներկայացուցիչ Վլադիմիր Կարապետյանը ասաց, որ իրենք փորձում են համագործակցել այն քաղաքական ուժերի հետ ովքեր շահագրգռված են ընտրակեղծիքների դեմ պայքարի գործում:
Նա նաև հավելեց, որ նախագահական ընտրություններում հանձնաժողովների հենց իրենց անդամներն էին, որ հնարավորինս նվազեցրեցել ենընտրակեղծիքները:
Նա ասաց, որ այս պահին կոնսուլտացիաների մեջ են այլ քաղաքական ուժերի հետ, եւ ԲՀԿ-ն ու «Ժառանգությունը» մասնակցում են դրանց. «Արդեն մի քանի հանդիպումներ ենք արել, խորհրդակցություն ենք արել, թե տվյալ անդամը որքան կկարողանա գործուն միջոցերով զսպել ընտրակեղծիքները: Նոր Նորք շրջանում վստահ եմ, որ կփորձենք ամեն բան անել, որ չլինի այնտեղ որեւէ կեղծիք»:
Վլադիմիր Կարապետյանը նաեւ նշեց, որ այսօրվա հանդիպումից հետո «Բարեւ Երեւան» դաշինքի անդամ Դանիել Իոաննիսյանի հետ կքննարկեն, թե ինչպես կարող են համագործակցությունն ավելի սերտ դարձնել:
Վերջում ՀԱԿ ներկայացուցիչը վստահություն հայտնեց, որ իրենք կարող են այնպես անել, որ ընտրակեղծիքներ չիլինեն:
