Թուրքիայի նախագահ Ռեջեփ Թայիփ Էրդողանը դատի է տվել երկրի գլխավոր ընդդիմադիր քեմալական Ժողովրդահանրապետական կուսակցության ներկայացուցիչ Ջանան Քաֆթանջըօղլուին, ով 2012 թ.իր թվիթերյան էջում գրառում էր կատարել և անդրադարձել Հայոց ցեղասպանությանը:
Այս մասին, ինչպես հաղորդում է «Արմենպրես»-ը, հայտնում է թուրքական «Հուրիեթ» պարբերականը:
Իր անձը վիրավորելու համար Էրդողանը Ջանան Քաֆթանջըօղլուից պահանջել է 700 հազար լիրա (190 հազար դոլար) բարոյական փոխհատուցում:
Էրդողանը Քաֆթանջըօղլուի դեմ ներկայացրել է 14 առանձին մեղադրանքներ, ներառյալ թվիթերյան գրառման մեջ իր մորը վիրավորելու վերաբերյալ:
