«Հայկական ժամանակ»-ը գրել է. «Այսօր երեկոյան տեղի է ունենալու Հանրապետական կուսակցության գործադիր մարմնի նիստը: Սովորականից այն այս շաբաթ մի ոտք շուտ է տեղի ունենում, քանի որ միշտ իշխող կուսակցությունը ԳՄ նիստ հրավիրում է յուրաքանչյուր հինգշաբթի:

ՀՀԿ-ի էլիտայի խորհրդարանական ներկայացուցիչներից մեկը երեկ ՀԺ-ի լրագրողի հետ մասնավոր զրույցում նշել է, որ քննարկվելու է վարչապետի թեկնածության հարցը, բայց այն ՀՀԿ խոսնակ էդուարդ Շարմազանովը հրապարակավ չի հնչեցնելու:

Մեր աղբյուրի փոխանցմամբ, ԳՄ նիստից մեկ կամ երկու օր անց ՀՀԿ-ն նույն հարցը քննարկելու համար խորհրդի նիստ է հրավիրելու:

Մեկ այլ ՀՀԿ-ական էլ ասաց, որ այսօրվա նիստը սկզբից մինչև վերջ նվիրված է լինելու Սերժ Սարգսյանին: Նրան շնորհակալություն են հայտնելու երկիրը 10 տարի ղեկավարելու համար և երեսին ասելու են անփոխարինելի լինելու մասին: Երեկ խորհրդարանում տարբեր ՀՀԿ-ականներ նշել են, որ առայժմ չգիտեն, թե ինչ ձևաչափում են հայտարարելու, որ վարչապետի իրենց թեկնածուն Սերժ Սարգսյանն է»:

Մանրամասները թերթի այսօրվա համարում