«Չելսին» կամային հաղթանակ տոնեց, Ժիրուն՝ դուբլի հեղինակ (տեսանյութ)

«Չելսին» կամային հաղթանակ տոնեց, Ժիրուն՝ դուբլի հեղինակ (տեսանյութ)

Անգլիայի Պրեմիեր լիգայի 34-րդ տուրում «Չելսին» արտագնա հանդիպում անցկացրեց «Սաութհեմփթոնի» հետ և 3։2 հաշվով կամային հաղթանակ տոնեց։

«Սենթ Մերի» մարզադաշտում կայացած խաղի մինչև 70-րդ րոպեն դաշտի տերերը Դուշան Տադիչի և Յան Բեդնարեկի գոլերի շնորհիվ հաղթում էին 2։0 հաշվով, սակայն վերջնամասում «ազնվականներին» հաջողվեց 3 գոլ խփել։ Դուբլի հեղինակ դարձավ Օլիվյե Ժիրուն, մեկ անգամ էլ աչքի ընկավ Էդեն Ազարը։

Այս հաղթանակից հետո Անտոնիո Կոնտեի թիմն ունի 60 միավոր և զբաղեցնում է մրցաշարային աղյուսակի 5-րդ հորիզոնականը, իսկ «Սաութհեմփթոնը» մնաց 28 միավորով՝ 18-րդ տեղում։

Անգլիայի Պրեմիեր լիգա, 34-րդ տուր

«Սաութհեմփթոն» – «Չելսի»՝ 2։3
Գոլերը՝ Տադիչ 21՛, Բեդնարեկ 60՛ – Ժիրու 70՛, 78՛, Ազար 75՛

 

Հետևեք մեզ նաև Telegram-ում