ՊՍԺ-ն ջախջախեց «Մոնակոյին» և դարձավ Ֆրանսիայի չեմպիոն (տեսանյութ)

ՊՍԺ-ն ջախջախեց «Մոնակոյին» և դարձավ Ֆրանսիայի չեմպիոն (տեսանյութ)

Ֆրանսիայի առաջնության 33-րդ տուրում մրցաշարային աղյուսակի առաջատար «Պարի Սեն Ժերմենը» հյուրընկալեց չեմպիոնական կոչումը նվաճելու տեսական հնարավորություններ պահպանող «Մոնակոյին» և ջախջախիչ հաղթանակ տոնեց։

«Պարկ դե Պրենսում» կայացած խաղն ավարտվեց 7։1 հաշվով․ փարիզյան թիմի կազմում դուբլերով աչքի ընկան Անխել դի Մարիան և Ջովանի Լո Չելսոն, մեկական գոլ խփեցին Էդինսոն Կավանին ու Յուլիան Դրաքսլերը, մեկ գոլ էլ արձանագրվեց Ռադամել Ֆալկաոյի ինքնագոլի արդյունքում։ Հյուրերի կազմում միակ գոլը խփեց Մարկուշ Լոպեշը։

Այս հաղթանակից հետո «Պարի Սեն Ժերմենն» ունի 87 միավոր և առաջնության ավարտից 5 խաղ առաջ 17 միավորով է գերազանցում երկրորդ տեղում գտնվող «Մոնակոյին»։

Ֆրանսիայի առաջնություն, 33-րդ տուր

«Պարի Սեն Ժերմեն» – «Մոնակո»՝ 7։1
Գոլերը՝ Լո Չեսլո 14՛, 27՛, Կավանի 17՛, դի Մարիա 20՛, 58՛, Ֆալկաո 76՛ / ինքնագոլ, Դրաքսլեր 86՛ – Լոպեշ 38՛

Հետևեք մեզ նաև Telegram-ում