Մադրիդի «Ռեալի» կիսապաշտպան Լուկաս Վասկեսը մեկնաբանել է Չեմպիոնների լիգայի քառորդ եզրափակչի «Յուվենտուսի» հետ դիմակայությունից հետո իսպանական թիմի հասցեին հնչած քննադատությունը:
«Մարդիկ վիրավորված են այն պատճառով, որ մենք 8-րդ անգամ անընդմեջ դուրս ենք եկել կիսաեզրափակիչ: Նրանք պարզապես նախանձում են: Պետք է սովորենք ապրել այդ մթնոլորտում: Շատերն ուրախանում են մեր անհաջողություններից:
«Յուվենտուսի» դեմ խաղում 11-մետրանոցը մաքուր էր: Մարդիկ չափազանց մեծ նշանակություն են տալիս մի բանի, ինչ արդեն տեղի է ունեցել: Այդ 11-մետրանոցն Իսպանիայում ավելի շատ են քննարկում, քան Իտալիայում»,- իսպանացու խոսքերն է մեջբերում «Marca»-ն:
Հիշեցնենք, որ «Յուվենտուսի» հետ պատասխանում խաղում (1:3) հենց Վասկեսն է վերջին րոպեին որոշիչ 11-մետրանոց վաստակել:
