Տարին հաջող էր բոլոր տարիքային խմբերի թիմերի համար. Լևոն Ջուլֆալակյան
26/12/2018 15:49
Նմանատիպ
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի հունահռոմեական ոճի ըմբշամարտի հավաքականի գլխավոր մարզիչ Լևոն Ջուլֆալակյանը ավարտվող տարին հաջող է համարում:
«Անցնող` 2018 թվականը, պատանեկան, երիտասարդական և մեծահասակների հավաքական թիմերի համար բավականին հաջող էր: Մեծահասակները 8 մեդալ նվաճեցին բոլոր միջազգային մրցաշարերում, որը գերազանց հաջողություն եմ համարում: Լավ արդյունքներ են նաև արծաթե և բրոնզե մեդալները, որոնք նվաճվեցին աշխարհի և Եվրոպայի առաջնություններում»,- «Արմենպրես»-ի հաղորդմամբ` լրագրողների հետ զրույցում ասաց Ջուլֆալակյանը:
Հունվարի 17-ին հունահռոմեական ոճի ըմբշամարտի հավաքականը հավաք կանցկացնի Ծաղկաձորում: Թիմի մի մասը փետրվարին կմասնակցի Ֆրանսիայում կայանալիք միջազգային մրցաշարին:
Հետևեք մեզ նաև Telegram-ում
