ԱԺ մշտական հանձնաժողովների թիվը կավելանա, կձևավորվի երկու նոր հանձնաժողով

ԵՐԵՎԱՆ, 15 ՀՈՒՆՎԱՐԻ, Aysor.am: Ազգային ժողովի «Իմ քայլը» խմբակցությունն առաջարկում է խորհրդարանում ստեղծել 11 մշտական հանձնաժողով՝ նախորդ գումարման խորհրդարանում գործած 9 մշտական հանձնաժողովների փոխարեն, այսօր ԱԺ նիստում նախագիծը ներկայացնելիս հայտարարեց «Իմ քայլի» պատգամավոր Վլադիմիր Վարդանյանը:

Ավելացող երկու հանձնաժողովներն են լինելու՝ Մարդու իրավունքների և հանրային հարցերի մշտական հանձնաժողովը և Տարածաշրջանային ինտեգրման հարցերի մշտական հանձնաժողովը: Այս հանձնաժողովի ստեղծումը, ըստ Վարդանյանի, պայմանավորված է ԵԱՏՄ-ին Հայաստանի անդամակցությամբ:

7-րդ գումարման Ազգային ժողովի մշտական հանձնաժողովներն են՝

Առողջապահության և սոցիալական հարցերի մշտական հանձնաժողով, որը կունենա 12 անդամ

Արտաքին հարաբերությունների մշտական հանձնաժողով՝ 14 անդամով

Գիտության, կրթության, մշակույթի, երիտասարդության և սպորտի հարցերի մշտական հանձնաժողով՝ 12 անդամով:

Եվրոպական ինտեգրման հարցերի մշտական հանձնաժողով՝ 10 անդամով

Մարդու իրավունքների և հանրային հարցերի մշտական հանձնաժողով՝ 10 անդամով

Պաշտպանության և անվտանգության հարցերի մշտական հանձնաժողով՝ 11 անդամով

Պետա-իրավական հարցերի հանձնաժողով 15 անդամ

Տարածաշրջանային ինտեգրման հարցերի մշտական հանձնաժողով, որտեղ նախատեսվում է ունենալ 11 անդամ

Տարածքային կառավարման, գյուղատնտեսության և բնապահպանության հարցերի մշտական հանձնաժողով՝ 12 անդամով:

Տնտեսական հարցերի մշտական հանձնաժողով՝ 15 անդամով

Ֆինանսավարկային և բյուջետային հարցերի մշտական հանձնաժողով՝ 10 անդամով:

3 մշտական հանձնաժողովի ղեկավարումը կվերապահվի խորհրդարանական ընդդիմությանը: Հայտնի էր, որ մարդու իրավունքների և հանրային հարցերի, ինչպես նաև Տարածաշրջանային ինտեգրման հարցերի մշտական հանձնաժողովների ղեկավարումը վստահվում է Բարգավաճ Հայաստանին, իսկ Ֆինանսավարկային և բյուջետային հարցերի մշտական հանձնաժողովը՝ Լուսավոր Հայաստանին: