«Նախախորհրդարան»-ի հաջորդ հանդիպումը կլինի հունիսի 14-ին

Ինչպես ավելի վաղ տեղեկացրել էին «Նախախորհրդարան» նախաձեռնության մամուլի ծառայությունից, այսօր նախաձեռնության անդամները հանդիպեցին քաղաքացիների հետ Երեւանի Ազատության հրապարակում:

Հանդիպման ժամանակ խոսվել է նախաձեռնության հետագա քայլերի մասին: Ինչպես տեղեկացնում է Tert.am-ը, Ազատության հրապարակում ելույթ են ունեցել ոչ միայն նախաձեռնության անդամները, այլ պարզապես քաղաքացիներ եւս:

Խոսելով հրատապ մի թեմայի’ արտագաղթի մասին, Նախախորհրդարանի անդամ Գարեգին Չուգասզյանը նշել է, որ դա Հայաստանի ամենացավոտ խնդիրն է։ «Արտագաղթի ցուցանիշը երկրի առողջության հիմնական ցուցանիշն է», ասել է նա և կոչ արել բոլորին կանգ առնել և ինքնակազմակերպվել։

Երկրին սպառնացող մի շարք արատովոր երեւույթների քննարկումից հետո Գ. Չուգասզյանը հայտարարել է, որ մյուս հանդիպումը կլինի 2 շաբաթից՝ հունիսի 14-ին, իսկ հիմնական հանրահավաքը՝ հուլիսի 12-ին։ Այս մասին տեղեկացնում է PanARMENIAN.net-ը:

 

Հետևեք մեզ նաև Telegram-ում