Տավուշում վիրավորված պայմանագրային զինծառայողի վիրահատությունը բարեհաջող է անցել

ԵՐԵՎԱՆ, 1 ՄԱՅԻՍԻ, Times.am: Տավուշի մարզում ադրբեջանական զինուժի արձակած կրակոցից վիրավորված պայմանագրային զինծառայող Արգիշտի Սամվելի Սեփխանյանի վիրահատությունն անցել է բարեհաջող։ Այս մասին ֆեյսբուքյան իր էջում գրել է ՀՀ պաշտպանության նախարարի մամուլի խոսնակ Արծրուն Հովհաննիսյանը:

Ըստ ՊՆ խոսնակի՝ պայմանագրային զինծառայողի վիճակը կայուն է, դրական դինամիկայով։

Հիշեցնենք, որ 1987 թ-ին ծնված պայմանագրային զինծառայողը վիրավորվել է ապրիլի 30-ին Տավուշի մարզի հայկական դիրքերի ուղղությամբ՝ ադրբեջանական զինուժի արձակած կրակոցների հետևանքով:

Նշենք նաև, որ ապրիլի 29-ին, ժամը 13:00-14:00-ն ընկած ժամանակահատվածում ադրբեջանական զինուժը կրակել է նաև Ոսկեպար-Բաղանիս միջպետական ճանապարհի ուղղությամբ: