«Հրապարակ». ԱԺ նախագահը վարչապետի հետ կմեկնի Արցախ
Նմանատիպ
«Հրապարակ» թերթը գրում է. «ԱԺ «Իմ քայլը» խմբակցության քարտուղար Հակոբ Սիմիդյանից փորձեցինք ճշտել` իրենց խմբակցությունից-ԱԺ-ից որևէ մեկը գնալո՞ւ է Արցախ` եռատոնին։ «Որքան ես եմ տեղեկացված` մայիսի 9-ին Արարատ Միրզոյանը ևս Նիկոլ Փաշինյանի հետ կմեկնի Արցախ, պատգամավորներ ևս լինելու են»:
Նոր Հայաստանում իշխանությունները հակված են մերժել այն ամենը, ինչը կապված է նախորդ՝ «թալանչի» ռեժիմի հետ, բայց Շուշին ազատագրել են նախկինները, դուք դա՝ որպես իրենց ձեռքբերում, գնահատո՞ւմ եք։ «Չի կարող ինձ համար իմ ծնողների ձեռքբերումը ձեռքբերում չլինել։ Ինձ համար Արցախյան գոյամարտն իրադարձություն է, որի մեջ ես տարիներ եփվել եմ»: Այո, Ձեր հայրը ևս ազատամարտիկ է եղել. Դուք է՞լ եք մեկնելու Արցախ։ «Անպայման»: Շուշիի ազատագրումը` «Հարսանիք լեռներում» օպերացիան, փաստացի, ղեկավարել է Սերժ Սարգսյանը։ «Ես որքան գիտեմ և պատմությունն էլ ընթերցելիս` օպերացիան իրականացրել է Արկադի Տեր-Թադևոսյանը, սակայն Արցախյան ազատամարտում որևէ մեկի արածը ես երբեք չեմ թերագնահատել` երբեք և ոչ մի պարագայում»: Այդ թվում և Սերժ Սարգսյանի՞։ «Յուրաքանչյուրի»»:
Մանրամասները թերթի այսօրվա համարում:
Հետևեք մեզ նաև Telegram-ում